జవాబు: అరికాళ్లు, అరిచేతుల్లో దట్టమైన చర్మం ఉంటుంది. ఈ చర్మం లోపల కండరాలు ఒత్తుగా ఉంటాయి. ఈ కండరాలను చర్మానికి పట్టి ఉంచేలా కొన్ని చోట్ల సంధాన కణజాలం (connective tissue) ఉంటుంది. పరుపులో దూది కదిలిపోకుండా వేసే కుట్ల మాదిరిగా ఉండే ఈ ప్రత్యేక కణజాలం వల్లనే అరిచేతులు, అరికాళ్లలో గీతలు ఏర్పడతాయి. ఇక అరిచేతులు, అరికాళ్లపై ఉండే చర్మాన్ని పాక్షిక ప్రసరణ పొర (semipermeable membrane) అంటారు. ఈ పొరలో ఉండే కణాల్లోని సైటోప్లాజంలో అనేక లవణాలు ఉంటాయి. వీటి వల్లనే ఎక్కువ సేపు చేతులు, కాళ్లని నీటిలో ఉంచినప్పుడు కొంత నీరు లోపలికి ప్రసరించి చర్మపు పొరలోని కణాల్లోకి చేరుకుంటుంది. ఈ ప్రక్రియనే ద్రవాభిసరణం (osmosis) అంటారు. ఇందువల్ల ఆయా కణాలు ఉబ్బుతాయి. ఫలితంగా అరిచేతులు, అరికాళ్లపై ముడుతలు ఏర్పడుతాయి.
-ప్రొ|| ఎ.రామచంద్రయ్య -నిట్, వరంగల్; రాష్ట్రకమిటీ, జనవిజ్ఞానవేదిక
- ===================================
