ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !...
ప్ర : టూత్ పేస్ట్ తో పళ్ళు తోముకున్న తర్వాత ఆరెంజ్ జ్యూస్ తాగితే దాని రుచి చేదుగా ఉంటుంది ఎందుకు?.
జ : పదార్ధము రుచి దానిలోని అణువుల పైన , నాలుక మీద ఉండే గ్రాహకాల పైన ఆధారపడి ఉంటుంది . పదార్ధములో ఒక నిర్ధిష్టమైన ఆకారములో ఉండే అణువులు , ఆ ఆకారాలను అంగీకరించే గ్రాహకాలతో ప్రతిస్పందిస్తాయి . ఒకోసారి నాలుకపై గ్రాహకాలు చేసే పనిని మార్చే పరిస్థితులు ఉంటాయి. పేస్టుతో పళ్ళుతోముకుని ఆరెంజ్ జ్యూస్ త్రాగినప్పుడు ఇదే జతుగుతుంది . పేస్టులో ఉండే సోడియం లారైల్ సల్పేట్ అనే రసాయన పదార్ధము నోటిలోని లాలాజలము తలతన్యతను తగ్గించి బ్రష్ చేస్తున్నప్పు డు నురకవ్చ్చేలా చేస్తుంది. అందువల్ల తక్కువ పేస్టు కూడా నోరంతా వ్యాపిస్తుంది . పేస్ట్ లోని రసాయనము నాలుకపై తీయటి రుచికి స్పందించే గ్రాహకాల చర్యను అణచివేస్తుంది. అంతేకాకుండా చేదు రుచిని నిరోదించే ఫాస్ఫోలిడ్స్ కొవ్వు మూలకాలను నాశనము చేస్తుంది. అందువల్లే బ్రష్ చేసుకున్న వెంటనే ఆరెంజ్ జ్యూస్ తాగితే తీపికి బదులు చేదుగా ఉంటుంది.
-- ప్రొ ; ఈ.వి సుబ్బా రావు . హైదరాబాద్ .
- ===================
