ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !...
ప్ర : What is Badri Art?,బద్రీ కళ అంటే ఏమిటి ?
జ : కొన్నాళ్ల క్రితం బిద్రీ వస్తువులు ఎక్కువగా కనపడేవి. వీటిని రాగి, జింక్ మిశ్రమంతో తయారుచేస్తారు. ఈ మూలకాల మిశ్రమాన్ని మూసల్లో పోసి కావాల్సిన ఆకారంలో తెస్తారు. వాటికి ఫిల్లింగ్ ఆక్సిడైజేషన్ చేసి భూసార వర్ణం లోకి తెస్తారు. ఆ తర్వాత వస్తువులను శుద్ధి చేస్తారు. ఆపై చక్కని నగీషీలను చెక్కుతారు. కాని ఈ బిద్రీ కళాకారులు ఇప్పుడు గుండీలు, చెవిపోగులు, ప్లవర్ వాజులు, గాజులు, షహనాయ్నాజ్, పెన్ ెల్డర్లు, తలపిన్నుల్లాంటివెన్నో తయారుచేస్తున్నారు. అసలు ఈ బిద్రీ కళ పర్షియా దేశం నుంచి బీదరుకు వలస వచ్చిందంటారు. నేడు హైద్రాబాదులో ఈ బిద్రీ వస్తువులను తయారు చేసేవారు స్థిరపడ్డారు. దానితో భాగ్యనగర వాసులకు అపురూపమైన కళాఖండాలుగా అలంకరణ సామగ్రిగా వీటిని వాడుతున్నారు. ఈ కళను ఆదరిస్తే ఆణిముత్యాల్లాంటి వస్తువులను ముందుతరాల వారికి అందించగలుగుతాం...
- =========================
visit My website > Dr.Seshagirirao - MBBS.-
