Sunday, September 22, 2013

Writing with chalk on blackboard gives sound why?,సుద్దముక్కతో నల్లబల్లపై రాస్తుంటే 'కీచు కీచు'మనే శబ్దం వస్తుంది. ఎందుకు?

  •  

  •  
ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !...
 ప్రశ్న: సుద్దముక్కతో నల్లబల్లపై రాస్తుంటే 'కీచు కీచు'మనే శబ్దం వస్తుంది. ఎందుకు?

జవాబు: నల్లబల్ల (బ్లాక్‌బోర్డ్‌)పై రాసేప్పుడు సుద్దముక్క (చాక్‌పీస్‌)ను గట్టిగా అదిమి పట్టుకుంటాం. అప్పుడది నల్లబల్ల ఉపరితలానికి సమాంతరంగా అడ్డంగా కదులుతూ ఉంటుంది. నల్లబల్లకు, సుద్దముక్కకు మధ్య ఏర్పడిన ఘర్షణ వల్ల సుద్దముక్క నుంచి వెలువడిన కణాలు (పొడి) బోర్డును అంటుకుంటాయి. రాసే సమయంలో ఘర్షణ తక్కువగా ఉంటే చాక్‌పీస్‌ జారుతూ వెంటవెంటనే బోర్డుపై అనేక చోట్ల అనేకసార్లు తాకుతుంది. అందువల్లనే మనకు 'కీచు కీచు'మనే శబ్దం వినిపిస్తుంది. ఈ ఘర్షణ బలం ముఖ్యంగా సుద్దముక్క, నల్లబల్లతో చేసే ఏటవాలు (inclination) కోణం మీద, అది నల్లబల్లను తాకే వైశాల్యం మీద ఆధారపడి ఉంటుంది. ఈ ఘర్షణ బలం తగ్గినప్పుడల్లా శబ్దాలు వస్తాయి.

- ప్రొ|| ఈ.వి. సుబ్బారావు, హైదరాబాద్‌
  • ===================
 visit My website > Dr.Seshagirirao - MBBS.-

No comments:

Post a Comment

your comment is important to improve this blog...