Tuesday, July 26, 2011

మాంసాహార మొక్క-బ్లాడర్ వోర్ట్స్ సొంగతేమిటి?, What about bladderworts plant?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ఫ్ర : మాంసాహార మొక్క-బ్లాడర్ వోర్ట్స్ సొంగతేమిటి?, What about bladderworts plant?

జ : మంచి పోషక విలువలు కలిగిన ఆకుకూరలను, పండ్లను తినడం వల్ల ఎలాంటి జబ్బులూ రావని అందరికీ తెలిసిన విషయమే. అందుకే చాలామంది మాంసాహారాన్ని వదలి శాఖాహారులుగా మారిపోతున్నారు. అలాంటిది ఇంతకాలం అందరూ శాఖాహారులనుకుంటున్న మొక్కలు మాంసాహారులుగా మారితే...! అమ్మో... ఇంకేమైనా ఉందా...?!

అందరినీ ఆశ్చర్యపరుస్తోన్న అలాంటి ఓ మాంసాహార మొక్కే "బ్లాడర్ వోర్ట్స్". చిన్న చిన్న కొలనుల్లో, చెరువులలో జీవించే ఈ మొక్క చూడటానికి అందంగా కనిపిస్తూ, క్రిమికీటకాలను ఆకర్షిస్తుంది. ఆ సమయంలో తనపై ఏవైనా కీటకాలు వాలగానే గుటుక్కున మింగేస్తుంది.

ఈ బ్లాడర్ వోర్ట్స్ మొక్క క్రిమికీటకాలను చంపే విధానం చూస్తే.... అమ్మో... ఎంత తెలివిగా చంపుతోంది అని నోళ్ళెళ్లబెట్టక మానము. రెండు చిప్పల్లాగా తెరుచుకుని కనిపించే పత్రాలే ఈ మొక్కకు ఆయుధాలు. కీటకం ఈ చిప్పల మధ్యకు పోగానే ఈ రెండు చిప్పలూ మూసుకుపోతాయి. అందులో చిక్కుకున్న కీటకాన్ని ఆ రెండు చిప్పలు పీల్చిపిప్పి చేస్తాయి.

ఈ మొక్కలు కీటకాలతో పాటుగా చిన్నపాటి బల్లులను కూడా భోంచేస్తాయి కాబట్టి దీనిని ఇళ్లలో కూడా పెంచుకునేందుకు చాలామంది ఆసక్తి చూపిస్తున్నారు. అంతేగాకుండా, ఈగలు, దోమలు లాంటి క్రిమికీటకాలతో పాటుగా, బల్లులను తింటున్న ఈ మొక్క మనకు మేలే చేస్తుందని శాస్త్రజ్ఞులు కూడా చెబుతున్నారు.
  • ==================================
visit My website > Dr.Seshagirirao - MBBS.

పెన్సిల్ ఎలా పుట్టింది...? , How was pencil originated?


  • [pencil+writing+on+a+paper.jpg]


ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ప్ర : బొమ్మలు గీసే ఆ పెన్సిల్ ఎలా పుట్టిందో తెలుసా...?

జ : ఇంగ్లాండ్ దేశంలో జేసెఫ్ డిక్సన్ అనే ఓ పేదవాడు ఇల్లు గడవటానికి ఓ చిన్న దుకాణంలో పనికి కుదిరాడు. యజమాని చెప్పింది గుర్తు పెట్టుకునేందుకు ఏంచెయ్యాలో తెలియక, ఓ నల్లటిరాయితో గోడమీద
రాసుకున్నాడు. ఆ రోజు నుండీ క్రమం తప్పకుండా డిక్సన్ యజమాని చెప్పిన విషయాలను గోడమీడ ఆ నల్లరాయితో రాసుకునేవాడు. ఆ నల్లటి రాయి ఏంటో తెలుసా...? అదే "గ్రాఫైట్". గ్రాఫైట్ నుండి పెన్సిల్...! పెన్సిల్‌ని గ్రాఫైట్‌తో తయారు చేస్తారు. గ్రాఫైట్ అనేది కర్బన సమ్మేళనం, వజ్రం కూడా కర్బన పదార్థమే. అయితే వజ్రానికి ఉన్న కఠినత్వం గ్రాఫైట్‌కు లేదు.

రోజులు అలా గడుస్తుండగా... డిక్సన్‌కు ఓ చిన్న ఆలోచన వచ్చింది. ఆ గ్రాఫైట్ రాయిని పొడిచేసి కాస్త ముద్దగా ఉండటానికి ఆముదం లాంటి పదార్థాన్ని కలిపి, దాన్ని ఒక గొట్టంలోకి ఎక్కించి బాగా ఎండిన తర్వాత రాశాడు. బాగానే ఉంది కానీ... కాస్త బరువుగా ఉండి రాసేందుకు అంత వీలుకాలేదతడికి. అంతేగాకుండా చేతులు నల్లగా అయ్యేవి. దీంతో చాలా ప్రయోగాలు చేసిన తరువాత కొన్ని రోజులకు ఒక ఉపాయం తట్టింది.

ఒక సన్నటి కొయ్యముక్కని తీసుకుని దానికి ఒక చిన్న రంధ్రాన్ని చేసి ముద్దగా ఉన్న గ్రాఫైట్‌ను అందులో నింపి, బాగా ఎండిన తర్వాత రాశాడు డిక్సన్. అంతే ఒక్కసారిగా ఆశ్చర్యపోయాడు. అద్భుతంగా రాస్తోంది
అది. సన్నగా రాయడం, చేతులకు నలుపు అంటక పోవడం, వేగంగా రాయడం లాంటి లక్షణాలు కలిగిన ఆ పెన్సిల్‌ను చూసి చాలా సంతోషపడ్డాడు డిక్సన్... ఇదీ పిల్లలు మన పెన్సిల్ పుట్టుక కథ...! ఇకపోతే...
మొదట్లో పెన్సిళ్లు గుండ్రంగా వచ్చేవి. తర్వాత మరెన్నో మార్పులతో గురైన పెన్సిల్ రకరకాల ఆకారాల్లో వాడుకలోకి వచ్చింది.

  • =====================================
visit My website > Dr.Seshagirirao - MBBS.

ఈ అనంత విశ్వంలొ జీవరాశి కేవలం భూమిమీదనే ఉందా?,Do life exist only on the Earth?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.
ప్ర : ఈ అనంత విశ్వంలొ జీవరాశి కేవలం భూమిమీదనే ఉందా? వేరె ఇతర గ్రహాల మీద(గ్రహాంతర వాసులు) కూడా ఉన్నారా?

జవాబు: జీవం పుట్టుకకు మరియు దాని మనుగడకు కావలసిన వాతావరణం మనకు తెలిసి కేవలం ఈ భూమి మీదనే ఉంది.మిగతా గ్రహాలమీద నీరు లేకపోవడము,అధిక వేడిమి లేదా అతి శీతలం,ప్రాణ వాయువు లేకపోడము వంటి తీవ్ర ప్రతికూల పరిస్థితుల కారణంగా జీవం ఉండదనే చెప్పాలి.కాని....ఈ భూమి మీద లాగానే ఏ సుదూర గ్రహం మీదో అనుకూల పరిస్థితులు ఉంటే తప్పకుండా జీవం ఉండే అవకాశాలు కొట్టిపారేయలేం.
  • ===================================
visit My website > Dr.Seshagirirao - MBBS.

Sunday, July 24, 2011

మెహిందీ కి హెన్నా కి తేడా ఏమిటి ?, what is the difference between mehindi and henna?

ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.


ప్ర : మెహిందీ కి హెన్నా కి తేడా ఏమిటి ?
suguna -- Srikakulam Town.

జ : మగువలు ఎంతో ఇష్టపడే గోరింటాకు ముద్దనే మెహిందీ అంటారు . గోరింట మొక్కనే ఇంగ్లిష్ లో హెన్నా గా పిలవడం జరుగుతూ ఉన్నది . హెన్నా పౌడర్ లేదా హెన్నా డై అంటే ఒక్క గోతింటాకే కాదు ... మరికొన్ని మూలకాలు కలిపి చేసే మిశ్రమము లేదా ముద్ద . దీనికి అనాదిగా ఎంతో ప్రాధాన్యత ఉంది. అతివలు ఎంతో ముచ్చటపడి తమ అరచేతుల నిండా తీర్చిదిద్దించుకునే గోరింటాకు పేదా, గొప్ప తారతమ్యం లేకుండా అందరినీ ఆనందంలో ముంచెత్తడం సహజం. అయితే నేటి ఆధునిక యుగంలో ముఖ్యంగా పట్టణాల్లో గోరింటాకు డిజెైన్లను వేయడం నేర్చుకుని దానినే ఉపాధిగా మలుచుకుంటున్నారు నేడు చాలా మంది యువతులు. ఈ క్రమంలోనే నగరంలో పలు చోట్ల మెహిందీ డిజెైన్ల కోసం ప్రత్యేకంగా సెంటర్లను కూడా ఏర్పాటు చేశారు. వీటిలో బ్యూటీపార్లర్లతోపాటు పలు పర్యాటక ప్రాంతాల్లో కూడా ఈ యువతులు గోరింటాకు డిజెైన్లు వేస్తూ ఉపాధి పొందుతున్నారు.

అంతేగాక మరికొందరు పెళ్లిళ్లు, పేరాంటాలు, పండుగల సీజన్లలో కస్టమర్ల ఇంటివద్దకే వచ్చి గోరింటాకు డిజెైన్లు వేయడం, ప్రత్యేకంగా పెళ్లికూతుళ్లకోసం గోరింటాకు డిజెైన్లకు ప్రత్యేక ప్యాకేజీలు ఏర్పాటుచేసి ఉపాధి పొందడం విశేషం. ఇదిలా ఉండగా నగంరలోని పలు ప్రాంతాల్లో వారాంతపు సంతల్లో కొందరు చెక్క డిజెైన్‌ అచ్చులతో రంగు రంగుల డిజెైన్లు అరచేతుల్లో వేస్తున్నా, అచ్చమైన గోరింటాకు డిజెైన్లకే ప్రాధాన్యత ఇస్తున్నట్లు పలువురు యువతులు తెలిపారు. ఈ రోజుల్లో కెజి నుండి పిజి వరకు చదివే విద్యార్థినులెైనా, గ్రామాలు, పట్టణాల్లో నివసించే పడతులెైనా ఎవరెైనా ఈ గోరింటాకును తమ చేతుల్లో నింపుకోడానికి ఎంతో మక్కువ చూపుతుండడం సర్వ సాధారణమైన విషయం. ఇక మార్వాడీలు, ఉత్తర భారతీయులు ఈ మెహిందీని చేతులకేగాక, పాదాలకు సైతం డిజెైన్లుగా వేసుకోవడం ఆనవాయితీగా వస్తోంది. ముఖ్యంగా వీరు పండుగలు, పెళ్లిళ్లలోనేగాక సాధారణ రోజుల్లో కూడా ఈ విధమైన డిజెైన్లు వేసుకుంటుంటారు. ఏదేమైనా గోరింటాకు డిజెైన్లతో ఉపాధి ఏర్పర్చుకుని చాలా మంది యువతులు ఎందరికో ఆదర్శంగా నిలుస్తుండడం అభినందనీయమేమరి.

మందారంలా పూసినా, గన్నేరులా పూసినా... చేతులను చూసుకొని మురిసిపోతుంటారు. పెళ్లిళ్లలో, పండగల్లో మగువల మనసుల్లో వెంటనే మెదిలేది మెహిందీ. అసలు ఏ సందర్భమూ లేకుండా చేతులకు గోరింటాకు పెట్టకోవడం కూడా ఒక వేడుకే కదా. అయితే ఏదో చేతికొచ్చింది కాకుండా మనసుపెట్టి గీయడానికి అరచేతులను కాన్వాస్‌గా మలుచుకోవాలనుకునేవారికి వెబ్‌సైట్లలో లెక్కకు మించి డిజైన్ల ఉన్నాయి. అరబిక్, పాకిస్తానీ, ఇండియన్, బ్రైడల్, రాజస్థానీ...ఒకటేమిటి? కళ్లు చెదిరిపోయే డిజైన్లను చూస్తూ కూర్చోకుండా గోరింటతో అరచేతులకు అందాలు అద్దండి.

హెన్నా పౌడర్‌ అంటే ఒట్టి గోరింటాకు పొడే అనే అభిప్రాయం చాలామందికి ఉన్నది. హెన్నా పౌడర్‌లో చాలా హెర్బల్‌ పౌడర్స్‌ కలుస్తాయి. వాటిలో కొన్ని గోరింటాకు పొడి, మెంతుపొడి, అవ్లూపౌడర్‌, ట్రిప్‌లా ఇలా ఇంకా కొన్ని కలుపుతారు. ఈ మొత్తం కలిపినదే హెన్నా పౌడర్‌. హెన్నా కురులకు మేలు చేయడమే కాకుండా చుండ్రును కూడా నివారించగలుగుతుంది.

కావలసిన పదార్థాలు :

గోరింటాకు పౌడర్ - 2 కప్పులు
నిమ్మకాయలు - 3
పెరుగు - 1/2 కప్పు
టీ డికాషన్ - 1 కప్పు
గ్రుడ్లు - 2

తయారుచేయు విధానం :

ఇవ్వన్నీ వేసి మెత్తగా పేస్టులాగా కలపాలి. ఇలా కలిపిన తర్వాత సుమారు 6 గంటల పాటు దానిని వుంచాలి. తరువాత చేతులకు గ్లౌజులు వేసుకుని వెంట్రుకలను పాయలు పాయలుగా తీసుకుని స్కాల్స్ నుంచి వెంట్రుక చివరిదాకా ఈ పేస్టును రాయాలి. జుట్టు అంతా పట్టించి ఒక ముడిలాగా మాడుపైన పెట్టుకోవాలి. మొత్తం పెట్టాక 2 గంటలు వుంచుకోవాలి. ఇది త్వరగా ఆరాలని ఫ్యాను క్రిందగాని ఎండలోగాని నించోకండి. 2 గంటలు అయిన తర్వాత తలస్నానం చేయాలి. చక్కగా నిదానంగా నీళ్ళతో షాంపు చేసుకోవాలి. తర్వాత తలను సహజసిద్ధంగా ఆరనిస్తే కురులు మరింత ఆరోగ్యవంతంగా వుంటాయి.

హెన్నా వలన లాభాలు
*శరీరంలోని వేడిని తగ్గిస్తుంది.
*శరీరానికి హెన్నా కారణంగా ఎలాంటి హానీ కలగదు. చర్మానికి దీనివల్ల ఎలాంటి సైడ్‌ ఎఫెక్టులూ ఉండవు.
*హెన్నా చర్మానికి, శిరోజాలకూ మేలుచేసే సాధనం.
*కురులకు మంచి కండిషనర్‌.
*ఇది యాంటీ ఫంగల్‌గా పనిచేస్తుంది. చేతులకు, కాళ్లకు గోరింటాకు పెట్టుకోవడంలోని అసలు పరమార్థం ఇదే!
*చుండ్రును సమర్థవంతంగా అరికడుతుంది
  • ======================================
visit My website > Dr.Seshagirirao - MBBS.

హెన్నాఅంటే ఏమిటి?, What is Henna ?


ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ప్ర : హెన్నాఅంటే ఏమిటి?, What is Henna ?

జ : హెన్నా అనేది గోరింటాకు మొక్క . దీని శాస్త్రీయ నామము -- lawsonia inermis also called as mignonette tree . ఇది పూలు పూచే మొక్క . ఆకులను చర్మము , జుట్టు , గోళ్ళు కు రంగు వేయుటకు , లెదర్ , వూల్ పరిశ్రమలలో రంగులు అద్దేందుకు వాడుతారు . మెహిందీ ని తయారు చేస్తారు .

ఆషాడంతో మొదలుపెట్టి అట్లతద్ది, వినాయక చవితి, దసరా, దీపావళి, రంజాన్, క్రిస్‌మస్, సంక్రాంతి… అంటూ ప్రతి పండుగకూ అరచేతి గోరింటను పండించేవారు పల్లెపడుచులు ఒకప్పుడు. కాలగతిలో కనుమరుగయ్యే అనేకానేక పద్ధతులకు భిన్నంగా ఆనాటి గోరింట నేడు హెన్నాగా మారి ఆధునిక యుగంలో అత్యాధునిక ఫ్యాషన్‌గా ఎదిగింది.

పండుగ పబ్బాలతో నిమిత్తం లేకుండా పల్లె, పట్నం అన్న తేడా లేకుండా పల్లె పడుచునీ, సాఫ్ట్‌వేర్ ఇంజనీర్‌నీ, కాలేజీ, యూనివర్సిటీ అమ్మాయిల్ని, ఫ్యాషన్ డిజైనర్లనీ, క్రీడాకారుల్ని, కళాకారుల్నీ ఏకరీతిన ఆకట్టుకోగలగడంతో పాటు పాశ్చాత్యుల్ని సైతం అతివలందరి మనసుల్ని దోచుకుని సుమనోహర సౌందర్యమై వెలుగొందుతోంది. ప్రధానంగా భారతీయ సంస్కృతీ సంప్రదాయాల్లో భాగమైంది. ప్రతి తెలుగింట శుభకార్యాల్లో ఇంకా చెప్పాలంటే ప్రతి వేడుకలోనూ మమేకమై ఆడపడుచుల ఒంటినిండా గోరింటాకు పూస్తుంది.

చుండ్రు నివారణలో హెన్నాపాత్ర : హెన్నా తలకు పెట్టుకోవటం వల్ల తలలోని చుండ్రుని, తెల్ల వెంట్రుకలను నివారిస్తుంది. ఇది హెయిర్‌ రూట్‌ని టైట్‌ చేస్తుంది. వెంట్రుక చివర్లను చిట్లిపోనీకుండా ఉంచుతుంది. హెయిర్‌ రూట్‌ టైట్‌ అవడం వల్ల జుట్టు ఊడదు. హెన్నా తలకు పెట్టడం వలన మాడుపోటు, తలనొప్పి ఇటువంటివి తగ్గడమే కాక కళ్ళకు చాలా చలువ చేస్తుంది. అంతకుముందు ఊడిన వెంట్రుకలు త్వరగా వస్తాయి జుట్టు మంచి షయినింగ్‌గా, పట్టుకుచ్చువలె ఉంటుంది. అధికంగా చిక్కుపడే జుట్టును మృదువుగా ఉంచుతుంది. హెన్నా పేను కొరుకుడుని కూడా నివారిస్తుంది.

హెన్నా పౌడర్‌ అంటే ఒట్టి గోరింటాకు పొడే అనే అభిప్రాయం చాలామందికి ఉన్నది. హెన్నా పౌడర్‌లో చాలా హెర్బల్‌ పౌడర్స్‌ కలుస్తాయి. వాటిలో కొన్ని గోరింటాకు పొడి, మెంతుపొడి, అవ్లూపౌడర్‌, ట్రిప్‌లా ఇలా ఇంకా కొన్ని కలుపుతారు. ఈ మొత్తం కలిపినదే హెన్నా పౌడర్‌.

తయారుచేయు విధానం :
కావలసిన పదార్థాలు :

హెన్నా పౌడర్ - 2 కప్పులు
నిమ్మకాయలు - 3
పెరుగు - 1/2 కప్పు
టీ డికాషన్ - 1 కప్పు
గ్రుడ్లు - 2


ఇవ్వన్నీ వేసి మెత్తగా పేస్టులాగా కలపాలి. ఇలా కలిపిన తర్వాత సుమారు 6 గంటల పాటు దానిని వుంచాలి. తరువాత చేతులకు గ్లౌజులు వేసుకుని వెంట్రుకలను పాయలు పాయలుగా తీసుకుని స్కాల్స్ నుంచి వెంట్రుక చివరిదాకా ఈ పేస్టును రాయాలి. జుట్టు అంతా పట్టించి ఒక ముడిలాగా మాడుపైన పెట్టుకోవాలి. మొత్తం పెట్టాక 2 గంటలు వుంచుకోవాలి. ఇది త్వరగా ఆరాలని ఫ్యాను క్రిందగాని ఎండలోగాని నించోకండి. 2 గంటలు అయిన తర్వాత తలస్నానం చేయాలి. చక్కగా నిదానంగా నీళ్ళతో షాంపు చేసుకోవాలి. తర్వాత తలను సహజసిద్ధంగా ఆరనిస్తే కురులు మరింత ఆరోగ్యవంతంగా వుంటాయి.

హెన్నా వలన లాభాలు
  • *శరీరంలోని వేడిని తగ్గిస్తుంది.
  • *శరీరానికి హెన్నా కారణంగా ఎలాంటి హానీ కలగదు. చర్మానికి దీనివల్ల ఎలాంటి సైడ్‌ ఎఫెక్టులూ ఉండవు.
  • *హెన్నా చర్మానికి, శిరోజాలకూ మేలుచేసే సాధనం.
  • *కురులకు మంచి కండిషనర్‌.
  • *ఇది యాంటీ ఫంగల్‌గా పనిచేస్తుంది. చేతులకు, కాళ్లకు గోరింటాకు పెట్టుకోవడంలోని అసలు పరమార్థం ఇదే!
  • *చుండ్రును సమర్థవంతంగా అరికడుతుంది



  • =======================================
visit My website > Dr.Seshagirirao - MBBS.

Saturday, July 23, 2011

కొకైన్‌ అంటే ఏమిటి ? ఎందుకు వాడుతారు?, What is Cocaine and its effects?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.


కొలంబియా దేశపు అడవులలో కనిపించింది. స్టోనీ బ్రూక్ యూనివర్శిటీ పరిశోధకులు అడవుల మధ్యన రహస్యంగా కోకా చెట్టును పెంచుతున్నారనడానికి ఆధారాలను గుర్తించారు. ఈ కోకా చెట్టు నుంచి కొకైన్
అనే మాదకద్రవ్యం తయారవుతుంది. కొలంబియా వర్షారణ్యాలలో ఈ రకం స్థలాలు ఎక్కువవుతున్నాయని, అందువల్ల అడవులలోని అరుదయిన వృక్ష, జంతు జాతులు, వాటి వైవిధ్యం దెబ్బతింటున్నదని పరిశోధకులు అంటున్నారు. ... కోకా పండించడమే అడవుల వినాశనానికి కారణమని తెలిసిపోయింది. 2005 కు ముందు కోకా కారణంగా అడవులు నాశనం కావడం చాలా తక్కువగా ఉండేదని, .మామూలు పొలాలలో కోకా పండించడం ఈ దేశంలో తెలిసిందే. కానీ ఆశకొద్దీ రైతులు, అక్కడికి దగ్గరలో ఉండే అడవులలోపలికి చేరి, పెద్ద ఎత్తున చెట్లను నరికి, అక్కడ కూడా పంట పండిస్తున్నారు.


తయారీవిధానము :
ఖరీదైన కొకైన్‌ను విదేశాల నుంచి దిగుమతి చేసుకుంటున్నారు. దీన్ని ఎక్కువగా లాటిన్‌ అమెరికా దేశాల్లో తయారు చేస్తుంటారు. ప్రపంచం మొత్తానికీ అక్కడ నుంచే ఎగుమతి అవుతుందని, ఓడల ద్వారా అంచలంచెలుగా దీన్ని మన రాష్ట్రానికి తీసుకొస్తున్నారని అధికారులు చెబుతున్నారు. * కోకా చెట్టు ఆకుల్ని సోడియం బైకార్బొనేట్‌తోపాటు మరికొన్ని రసాయనాలను చేర్చి కొకైన్‌ను తయారు చేస్తారు.

కొకైన్‌ లో స్వల్ప మోతాదులో ఉత్తేజాన్ని కలిగించే క్షారాలు (alkaloids)ఉంటాయి.‌. శాస్త్రీయ నామము - benzoylmethylecgonine పౌడర్ రూపములో ఉంటుంది .


లక్షణాలు :
It is
  • a stimulant of the central nervous system,
  • an appetite suppresent,
  • Topical anaesthetic ,
  • a serotonin–norepinephrine–dopamine reuptake inhibitor,
  • an exogenous catecholamine transporter ligand.


ఆరోగ్యం సరిగా లేని వ్యక్తికి మందులు ఎలా పనిచేస్తాయో, ఈ క్షారాలు కూడా దేహంపై అలాగే పనిచేస్తాయి. ఈ రకం మత్తు పదార్ధము కండరాలను, ముఖ్యంగా శ్వాసనాళాలకు సంబంధించిన కండరాలను సడలించి సేదతీర్చడమే కాకుండా, కేంద్ర నాడీ వ్యవస్థను, గుండె కండరాలను ఉత్తేజపరుస్తాయి. మూత్రపిండాలను ఎక్కువ పని చేయించడమే కాక, మానసిక చైతన్యాన్ని ప్రేరేపిస్తాయి. కంటి చూపు, వినికిడి శక్తి పెరిగినట్లు అనిపిస్తుంది. సహనశక్తి ఎక్కువవుతుంది. అలసట తగ్గుతుంది. ఏదో కొత్త ధైర్యం, సామర్థ్యం వచ్చిన భావన కలుగుతుంది. కొందరిలో ఉల్లాసం కలుగుతుంది. సెక్ష్ సామర్ధ్యము పెరిగే భావన కలుగుతుంది . అయితే ఈ నూతనోత్సాహం తాత్కాలికమే. ఎక్కువ సేపు నిలవదు. ఉత్సాహాన్ని ఇస్తున్నాయని ఎక్కువ సార్లు తీసుకుంటే ఆరోగ్యము చెడిపోవును , ఆ మందుకి బానిసై అది తీసుకోకపోతే పిచ్చెక్కినట్లు గా ప్రవర్తిస్తారు . దీని పనితనము 30 -60 నిముషాలు ఉంటుంది.

మోతాదు ఎక్కువైతే -- గాబరా గా ఉంటుంది , పేలాపన (paranoid)ఎక్కువై ఎవేవో మాటలు ఆడుతారు . చేతులు కాళ్ళు వణకడం , కొంతమందిలో ఫిట్సు లా కనిపించును . దీర్ఘకాలము వాడినవారిలో

గుండె వేగముగా కొట్టుకోవడం(Tachycardia), మెదడు లో సమతుల్యము కోల్పోవును (Brain imbalance),డిప్రెషన్‌ కి గురికావడం , నిద్రపట్టకపోవడము , మున్నగునవి

వాడే విధానము :

  • నోటి ద్వారా --- పౌడర్ ను నోటిలో వేసి చప్పరించేవారు , సిగరెట్ రూపము లో
  • స్మోకింగ్ చేసేవారు , కాగితం ,లేదా ఆకు లో చుట్టి కిల్లీగా నమిలేవారు .
  • కోకా ఆకులు -- నమిలేవారు , టీ చేసుకొని తాగేవారు ,
  • insufflation -- ముక్కు పొడుములా పీల్చడము ,
  • injection -- పౌడర్ డిస్తిల్ వాటర్ లో కలిపి సామారణముగా
  • హెరోయిన్‌ తో కలిపి ఇంజక్ట్ చేసుకుంటారు .
  • inhalation -- ఇన్‌హేలర్ గా వాడేవారూ ఉన్నారు .
  • suppository -- ఓరల్ లేదా ఏనల్ రూపము లో వాడేవారు .

డ్రగ్ మాఫీయా
గంజాయి వంటి సంప్రదాయ మాదకద్రవ్యాలకే పరిమితమైన హైదరాబాద్‌ ఇప్పుడు అత్యంత ఖరీదైన కొకైన్‌ వంటి మత్తుపదార్థాల విక్రయాలు, వినియోగానికీ కేంద్రంగా మారింది.కొకైన్ డ్రగ్ స్మగ్లింగ్ వ్యాపారం పోలీసులకు పెను సవాల్‌గా మారింది. అడపాదడపా కొకైన్ స్వాధీనం చేసుకుని అరెస్టు చేస్తున్నా చాప కింద నీరులా ఈ మాదక ద్రవ్యాల వ్యాపారం మూడు పువ్వులు ఆరు కాయలుగా సాగుతోంది. గోవా, ముంబయి, బెంగళూరు నుంచి నగరానికి పెద్ద ఎత్తున కొకైన్ సరఫరా జరుగుతున్నట్లు తెలుస్తోంది. నగర టాస్క్ఫోర్స్ దీనిపై కనే్నసి ఉంచినా స్మగ్లర్లు తమ వ్యాపారాన్ని నిరాటంకంగా సాగిస్తూనే ఉన్నారు. తమ స్మగ్లింగ్‌కు సాధారణ ప్రజలను వినియోగించుకుంటూ, ఎవరికి అనుమానం రాకుండా బస్సుల్లోనే తరలిస్తున్నారు. హైదరాబాద్ నగరంతో పాటు ఎయిర్‌పోర్టు రైల్వే స్టేషన్లలో నిఘా తీవ్రం కావడంతో స్మగ్లర్లు తాజాగా బస్సు మార్గాన్ని ఎంచుకున్నట్లు తెలుస్తోంది. మహారాష్ట్ర, తమిళనాడు, కర్ణాటక నుంచి రాష్ట్రంలో ప్రవేశించే ముఖ్యమైన ప్రాంతాల ద్వారా ఈ స్మగ్లింగ్ నిర్వహిస్తున్నట్లు సమాచారం. ఇక నగరం చేరుకున్నాక కొకైన్ ఎక్కడికి చేరాలంటే అక్కడకు చేరుతూనే ఉంది. చివరకు జైళ్ళలో ఉన్న ఖైదీల వద్దకు కూడా చేరుతున్నాయంటే ఏ స్థాయిలోముఠాలు పని చేస్తున్నాయో వెల్లడవుతోంది.

ధర ఎంత ఉంటుంది ?
గ్రాము కొకైన్‌ను విదేశాల నుంచి రూ.600 నుంచి వెయ్యి రూపాయలై వరకు కొనుగోలు చేసి నగరానికి చేరిన తర్వాత దాని ధర రెండు మూడు ఇంతలు పెంచి విక్రయిస్తున్నారు. గ్రాము కొకైన్ ధర రూ.2500 నుంచి అవసరాన్ని బట్టి రూ.5 వేల వరకు కూడా విక్రయిస్తున్నట్లు తెలుస్తోంది. పోలీసు నిఘా ఉన్నా తమ నెట్‌వర్క్ ద్వారా చాలా సులభంగా బస్సుల్లో రవాణా చేస్తూ పోలీసులను బురిడీ కొట్టిస్తున్నారు. ఈ విషయంలో నగర ప్రజల సహాయ సహకారాలు ఉంటే తప్ప పూర్తిగా మాదక ద్రవ్యాల సరఫరాను నియంత్రించలేమని పోలీసులు
చెబుతున్నారు. సినీ ప్రముఖులు, రాజకీయవేత్తలతో కూడిన సుమారు 60 మందికి డ్రగ్స్ వ్యాపారంతో లింకులు ఉన్నట్లు చాలా వరకు సమాచారం లభించినా ఖచ్చితమైన ఆధారాలు లేక పోలీసులు అరెస్టు చేయలేకపోయారు. దీంతో జాగ్రత్తపడిన ఆయా పెద్దలు చట్టానికి దొరక్కుండా మరీ ఈ వ్యాపారం చేస్తున్నారు.

  • ======================================
visit My website > Dr.Seshagirirao - MBBS.

Friday, July 22, 2011

మనషులలాగే జంతువులు, మొక్కలు కూడా నవ్వుతాయా? ఏడుస్తాయా?,Do plants and animals weep and laugh?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.


ప్రశ్న: మనషులలాగే జంతువులు, మొక్కలు కూడా నవ్వుతాయా? ఏడుస్తాయా?

జవాబు: భావాలను వ్యక్తీకరించడం చాలా జంతువుల్లో ఉంది. ఇది ఏకకణజీవులు, మెదడు లేని జీవులకు సాధ్యం కాదు. ఎందుకంటే భావం అంటేనే పరిసర పరిజ్ఞానాన్ని పొందడం, దాన్ని జ్ఞాపకంగా పదిల పరుచుకోవడం, ఆ సమాచారం ఆధారంగా తోటి జీవితో తన ప్రవర్తనను నిర్ణయించుకోవడం అన్నమాట. మెదడున్న జీవులన్నీ వివిధ పద్ధతుల్లో సమాచారాన్ని ఇచ్చిపుచ్చుకుంటాయి. మనుషుల్లో కన్నీరు, ఏడుపు, దిగులు మొహాన్ని చాటే కండరాల ప్రవృత్తిలాంటి రూపాల్లో దుఃఖం ప్రదర్శితమైతే, నవ్వు, మెరిసే కళ్లు లాంటి ప్రవృత్తుల ద్వారా ఆనందం ప్రకటితమవుతూ ఉంటుంది. కొన్ని జంతువుల్లో భావాలను రసాయనిక పదార్థాలను స్రవించడం ద్వారా కూడా వ్యక్తపరుస్తాయి. హార్మోను వ్యవస్థ ఉన్న జంతువుల్లో భావ వ్యక్తీకరణ ప్రస్ఫుటంగా ఉంటుంది. అయితే మొక్కలకు మెదడు, వినాళగ్రంథి (endochrine system) ఉండకపోవడం వల్ల ఏడుపులు, నవ్వులు ఉన్నట్టు ఆధారాలేమీ లేవు. అయితే కొన్ని రసాయనాలను వెదజల్లడం ద్వారా సమాచార మార్పిడి జరుగుతుంది.

  • -ప్రొ||ఎ. రామచంద్రయ్య, నిట్‌, వరంగల్‌; రాష్ట్రకమిటీ, జనవిజ్ఞాన వేదిక
  • ===========================================

మిణుగురు పురుగుల ఆహారం ఏమిటి? ఎలా సంపాదించుకుంటాయి?,How the sparkle insects get food?




ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ప్రశ్న: మిణుగురు పురుగుల ఆహారం ఏమిటి? ఎలా సంపాదించుకుంటాయి?

-కె. తేజస్విని, 10వ తరగతి, హైదరాబాద్‌

జవాబు: మిణుగురు పురుగులు నిజానికి పురుగులు కావు. మాంసాహార లార్వా జాతికి సంబంధించిన చిన్నపాటి ఈగలు. ఈ లార్వా మూడు మిల్లీమీటర్ల వరకు పెరిగి తేమ ప్రదేశాలైన గుహలు, రాళ్లు, చెట్ల ఆకుల అంచుల్లో ముడుచుకుని నివసిస్తూ ఉంటాయి. ఇవి వాటి ఆహారాన్ని సంపాదించుకోడానికి ఒక వినూత్నమైన పద్ధతిని అవలంబిస్తాయి. తాము నివసించే చోటును అంటిపెట్టుకుని తమ శరీరాల నుంచి ఒకరకమైన ద్రవాన్ని స్రవిస్తాయి. ఈ ద్రవం సాలెపురుగు దారాల్లాగా మారి పైనుంచి వేలాడతూ ఉంటాయి. తడిగా, అంటుకుపోయే విధంగా ఇలాంటి దారాలను వదిలాక ఈ మిణుగురు పురుగులు తమ శరీరాలలో నీలం రంగు కాంతులను వెదజల్లుతాయి. ఆ వెలుగుకు ఆకర్షితమైన చిన్న పురుగులు అక్కడకి వచ్చి, అక్కడి దారాలకు అతక్కుపోతాయి. మిణుగురులు వాటిని చుట్టుకుపోయి నిదానంగా భక్షిస్తాయి.

-ప్రొ||ఈ.వి. సుబ్బారావు, హైదరాబాద్‌




  • =========================================
visit My website > Dr.Seshagirirao - MBBS.

బ్యాక్టీరియా, వైరస్‌ల మధ్య తేడా ఏమిటి?, What is difference between Bacteria and Virus?




ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ప్రశ్న: బ్యాక్టీరియా, వైరస్‌ల మధ్య తేడా ఏమిటి?

-ఎన్‌. కిరణ్‌కుమార్‌, ఇంటర్‌, గుడివాడ

జవాబు: బ్యాక్టీరియా, వైరస్‌ల మధ్య ప్రధానమైన ఒక తేడా వాటి పరిమాణం. బ్యాక్టీరియా వ్యాసం ఒక మైక్రోమీటర్‌ (మిల్లీమీటర్‌లో వెయ్యో వంతు) ఉంటే, వాటి పొడవు 1 నుంచి 3 మైక్రోమీటర్లు ఉంటుంది. అదే ఒక వైరస్‌ పొడవు 0.02 నుంచి 0.3 మైక్రోమీటర్లు మాత్రమే ఉంటుంది. ఇక బ్యాక్టీరియా స్వతంత్రంగా సంతానోత్పత్తి చేయగల సూక్ష్మజీవి. వైరస్‌ వాటి పునరుత్పత్తికి జీవమున్న వేరే కణాలపై ఆధారపడతాయి. వైరస్‌లలో ఒక రకమైన న్యూక్లియక్‌ యాసిడ్‌ మాత్రమే ఉండి, వాటి ప్రాజనిక రూపం (genotype) అయిన వాటి సంతతి డీఎన్‌ఏ లేదా ఆర్‌ఎన్‌ఏ మాత్రమే కలిగి ఉంటుంది. బ్యాక్టీరియా డీఎన్‌ఏలో జన్యు సంబంధిత సమాచారం పూర్తిగా ఉండడమే కాక, ఇతర జీవ ప్రక్రియలను కొనసాగించడానికి కావలసిన అన్ని రకాల ఆర్‌ఎన్‌ఏను కలిగి ఉంటుంది. బ్యాక్టీరియాను ఎదుర్కోవడం సులభం. ఎందుకంటే వాటి జీవప్రక్రియ (metabolism)ను యాంటీబయోటిక్స్‌ మందులతో అంతమొందించి చంపవచ్చు. వైరస్‌ల ఉత్పత్తి వేరే కణాల జీవ ప్రక్రియపై ఆధారపడి ఉండడంతో, వాటిపై యాంటీబయోటిక్స్‌ పనిచేయవు. ప్రస్తుత కాలంలో వైరస్‌లను అంతమొందించడానికి ఏవో కొన్ని మందులను మాత్రమే కనిపెట్టగలిగారు.

-ప్రొ||ఈ.వి. సుబ్బారావు, హైదరాబాద్‌

  • ================================================
visit My website > Dr.Seshagirirao - MBBS.

ఎస్మా' చట్టం ఏమిటి? దీనికి ఉన్న విస్తృతి ఎంత? దీన్ని ప్రయోగిస్తే ఏమవుతుంది? What is ESMA act in india?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ప్ర : ఎస్మా' చట్టం ఏమిటి? దీనికి ఉన్న విస్తృతి ఎంత? దీన్ని ప్రయోగిస్తే ఏమవుతుంద?.


జ : ఏమిటీ 'ఎస్మా'?
'ఎస్మా' అనేది 'ఎసెన్షియల్‌ సర్వీసెస్‌ మెయిన్‌టెనెన్స్‌ యాక్ట్‌'కు సంక్షిప్త రూపం. ఇది సమ్మెలు, హర్తాళ్ల వంటి సందర్భాల్లో ప్రజల దైనందిన జీవనానికి ఇబ్బంది కలగకుండా... కొన్ని రకాల 'అత్యవసర సేవల నిర్వహణ' అవిచ్ఛిన్నంగా కొనసాగేలా చూసేందుకు 1981లో రూపొందించిన చట్టం. అత్యవసర సేవలు అందించే ఉద్యోగులు తమ విధులకు హాజరుకాకుండా.. ఆయా సేవలకు విఘాతం కలిగేలా సమ్మె కడితే.. జనజీవనానికి ఇబ్బంది కలగకుండా చూసేందుకు ప్రభుత్వానికి ఈ చట్టాన్ని ప్రయోగించే అధికారం ఉంటుంది.

ఎందుకొచ్చిందీ చట్టం?
1980ల్లో కార్మిక సంఘాల నిరసనలతో దేశం అట్టుడికిపోయింది. ముఖ్యంగా కార్మిక చట్టాల్లో కొన్ని మార్పులు తేవాలన్న ప్రభుత్వ ప్రయత్నాలను వ్యతిరేకిస్తూ దేశవ్యాప్తంగా కార్మిక సంఘాలన్నీ ఉద్ధృత స్థాయిలో ఉద్యమించాయి. 1981లో కార్మిక సంఘాలు పార్లమెంట్‌ ముందు భారీఎత్తున నిరసన ప్రదర్శన నిర్వహించాయి. దేశవ్యాప్తంగా పరిశ్రమలన్నింటా పెద్దఎత్తున సార్వత్రిక సమ్మె చేయాలని పిలుపునిచ్చారు. క్రమేపీ ఉద్యమం తీవ్రరూపం దాలుస్తున్నట్టు స్పష్టం కావటంతో ప్రభుత్వం ముందు 12 పరిశ్రమల్లో సమ్మెను నిషేధిస్తూ.. 'ఎస్మా' ఆర్డినెన్స్‌ తీసుకువచ్చింది. తర్వాత ఈ ఆర్డినెన్స్‌ స్థానే.. 'ఎస్మా' చట్టం తెచ్చారు. జమ్మూకాశ్మీర్‌ తప్పించి దేశవ్యాప్తంగా వర్తించే చట్టం ఇది.

ఈ చట్టం ప్రకారం అత్యవసర సేవలంటే..?
ప్రజల దైనందిన జీవితానికి అత్యవసరమని ప్రభుత్వం భావించిన ఏ సేవనైనా 'అత్యవసర సేవ'గా పరిగణించి, ఆయా సేవలకు సంబంధించి 'ఎస్మా' వర్తిస్తుందని ప్రత్యేక ఉత్తర్వులు జారీ చేయవచ్చు. ప్రధానంగా-నీటి సరఫరా, ఆసుపత్రులు, పారిశుధ్యం, రవాణా, తంతితపాలాలతో పాటు పెట్రోలు, బొగ్గు, విద్యుత్‌, ఉక్కు, ఎరువుల వంటి వనరుల ఉత్పత్తి-రవాణా-పంపిణీ సేవలన్నింటికీ దీన్ని వర్తింపజెయ్యచ్చు. అలాగే బ్యాంకింగ్‌, ఆహార ధాన్యాలు, పదార్ధాల పంపిణీ వంటివాటన్నింటికీ దీన్ని వర్తింపజెయ్యచ్చు. ఈ చట్టప్రకారం సమ్మెను నిషేధిస్తున్నట్లు ఒకసారి ఉత్తర్వులు జారీ అయితే- ఇక ఆయా రంగాల్లో సేవలు అందించే వారు సమ్మె చేయటమనేది 'చట్ట విరుద్ధ' కార్యకలాపమవుతుంది. ఒకవేళ వారి సేవలు అత్యవసరమైనవైతే అదనపు సమయం పని చేయటానికి తిరస్కరించే అధికారం కూడా వారికి ఉండదు.

'ఎస్మా'ను ఉల్లంఘిస్తే?
ఎస్మా నిబంధనలను అతిక్రమించి సమ్మెకు దిగినట్లు ఎవరిపైన అయినా బలమైన అనుమానం ఉంటే.. నేరశిక్షాస్మృతి(సీపీసీ)తో సంబంధం లేకుండానే.. పోలీసు అధికారులు 'వారంట్‌ లేకుండానే' అరెస్టు చేయవచ్చు. ఎస్మా నిబంధనలకు విరుద్ధంగా సమ్మె ప్రారంభించే, పాటించే ఉద్యోగులను డిస్మిస్‌ చేయటంతో సహా వివిధ రకాల క్రమశిక్షణా చర్యలు చేపట్టవచ్చు. సమ్మెలో పాల్గొంటున్న వారికి, వారిని ప్రోత్సహిస్తున్న వారికి కూడా జైలు శిక్ష, జరిమానా, లేదా రెండూ విధించవచ్చు. ఈ చట్టం ప్రకారం- సమ్మెకు ఆర్థిక సహకారం అందించే వారూ శిక్షార్హులే.

గతంలో 'ఎస్మా' ప్రయోగించిన సందర్భాలు ఉన్నాయా?
కేంద్ర, రాష్ట్ర ప్రభుత్వాలు సమ్మెలపై 'ఎస్మా' ప్రయోగించిన సందర్భాలు చాలానే ఉన్నాయి. 2003లో తమిళనాడు ప్రభుత్వ ఉపాధ్యాయులు నిరవధిక సమ్మెకు పిలుపిచ్చినప్పుడు జయలలిత ప్రభుత్వం ఎస్మా ప్రయోగించి దాదాపు 1,70,000 మందిని విధుల్లో నుంచి తొలగించింది. సుదీర్ఘ న్యాయ పోరాటం తర్వాతగానీ వారంతా తిరిగి విధుల్లో చేరలేకపోయారు. సమ్మె కట్టిన వైద్యులు, ఆసుపత్రి సిబ్బందిపై మన రాష్ట్రంతో సహా దేశవ్యాప్తంగా చాలాచోట్ల ఎస్మా ప్రయోగించారు. 2006లో ప్రైవేటీకరణను వ్యతిరేకిస్తూ దేశవ్యాప్తంగా విమానాశ్రయ సిబ్బంది సమ్మెకు దిగినప్పుడు, 2009లో ట్రక్కు రవాణా దారులు సమ్మె చేసినప్పుడు, 2009లో చమురు, గ్యాస్‌ సిబ్బంది సమ్మె చేసినప్పుడు.. ఇలా పలు సందర్భాల్లో 'ఎస్మా' ప్రయోగించారు.

Source : Eenadu news paper.
  • ===========================================
visit My website > Dr.Seshagirirao - MBBS.

Thursday, July 21, 2011

హేతువాదము అంటే ఏమిటి ?, What is Hetuvadam?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

హేతువాదం అనే తాత్విక విధానాన్ని విశ్వసించి అనుసరించేవారిని హేతువాదులు అంటారు. హేతువు అంటే కారణం అని అర్థం. ఏదైనా ఒక విషయాన్ని గుడ్డిగా విశ్వసించకుండా దానికి కారణాలను అన్వేషించడం లేదా ఆరా తీయడాన్ని హేతువాదం అంటారు.జ్ఞానానికి లేదా ఋజువుకు "హేతువు" లేదా "కారణం" అనేది మాత్రమే నమ్మదగిన ఆధారం అని భావించే తాత్విక ధోరణిని హేతువాదం అంటారు. (Rationalism, a philosophical position, theory, or view that reason is the source of knowledge)

ఆస్తిక హేతువాదులు: మతంలో ఉంటూనే అహేతుక విషయాలను ప్రశ్నిస్తూ ఉంటారు. మూఢాచారాలను సంస్కరించాలని చూస్తారు.

నాస్తిక హేతువాదులు: దేవుడిని పూర్తిగా ఒప్పుకోరు. ప్రతి దానికీ కారణం ఉంటుందని నమ్ముతారు.


కొంతమంది ప్రముఖ తెలుగు హేతువాదులు

* వేమన
* పోతులూరి వీరబ్రహ్మం
* స్వామినేని ముద్దునరసింహంనాయుడు
* కందుకూరి వీరేశలింగం
* ఆరుద్ర
* ముద్దుకృష్ణ
* చలం
* కొడవటిగంటి కుటుంబరావు
* ఎస్.జయరామరెడ్డి సుజరె
  • ============================================
visit My website > Dr.Seshagirirao - MBBS.

Sunday, July 17, 2011

Why some plants eat insects?, కొన్ని మొక్కలు జంతువులను తింటాయెందుకు ?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ప్ర : కొన్ని మొక్కలు జంతువులను తింటాయెందుకు ?

జ : సాదారణము గా మొక్కలు , చెట్లు కిరణజన్య్సంయోగ క్రియ (photo synthesis)వలన ఆహారము తయారుచేసుకుంటాయి. మొక్కలలో ఉన్న హరితపదార్ధము (chlorofil), సూర్యరస్మి (sun light), భూమి(మట్టి)లోని (clay) నత్రజని సహాయము తో తమకు కావల్సినంత ఆహారము తయారుచేసుకుంటాయి . కొన్ని మొక్కలు నత్రజని లోపించిన ముఖ్యంగా బురద నేలలలో పెరుగుతాయి. ఇవి తమకు కావలసిన నత్రజనిని తయారుచేసుకోలేవు. నత్రజనికోసమే కీటకాలను తింటాయి .

క్రిములను, కీటకాలను మరియు చిన్న జంతువులను తినే మొక్కలను కీటకాహార మొక్కలు లేదా మాంసభక్షణ మొక్కలు ( Insectivorous or Carnivorous plants) అంటారు. ఇవి చాలా ఆశ్చర్యకరమైనవి. ఈ మొక్కలు నత్రజని లోపించిన ముఖ్యంగా బురద నేలలలో పెరుగుతాయి. ఇవి తమకు కావలసిన నత్రజనిని తయారుచేసుకోలేవు. అందువల్ల ఈ విధంగా క్రిమికీటకాలలో లభించే మాంసకృత్తుల మీద ఆధారపడతాయి. ఈ మొక్కల పత్రాలు కీటకాలను ఆకర్షించి, పట్టుకొని, చంపి, జీర్ణం చేసుకోవడానికి అనువుగా బోనులుగా రూపాంతరం చెందుతాయి. ఈ పత్రాలను 'బోను పత్రాలు' అంటారు. ఈ పత్రాలు వివిధ ఎంజైములను స్రవించడం వలన కీటకాలలోని ప్రోటీనులు విశ్లేషించి జీర్ణం చేయబడతాయి. జీర్ణం చేయబడిన ప్రోటీనులను ఈ పత్రాలు శోషిస్తాయి. ఇవి ఉత్తర, దక్షిణ కరోలినా (usa), ప్రాంతాల్లో అగుపిస్తాయి.
కీటకాహార మొక్కలకు ఉదాహరణలు: నెపెంథిస్, డ్రోసిరా, యుట్రిక్యులేరియా,డయోనియా, సర్రెసీనియా, ఆల్ డ్రోవాండా, వీనస్ ఫ్లై ట్రాప్ (venus flytrap) , పిచ్చర్ మొక్క(pitcher plant) మరియు సన్ డ్యూ (sundew) మొక్క.
  • =================================
visit My website > Dr.Seshagirirao - MBBS.

Saturday, July 16, 2011

పిల్లల వెంట ప్రొటెక్టివ్ గా ఉండడం , Stay always with children to protect ?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

ప్ర : పిల్లల వెంట అనుక్షణము ఉంటూ , వారి అవసరాల్ని ఎప్పటికప్పుడు చూస్తూ ప్రొటెక్టివ్ ఉండడం మంచిదేనా?

జ : ఇది అన్ని సందర్భాలలోనూ మంచి చేయదు . పిల్లలు బాగా చిన్నగా ఉన్నప్పుడు ఈ ధోరణి బాగానే ఉంటుంది ... కాని వారు ఎదిగేకొద్దీ సమస్యలు మొదలవుతాయి . పిల్లలు ఎదుగుతున్న క్రమము లో కొంత స్వేచ్చను , స్వాతంత్ర్యాన్ని కోరుకుంటారు . అను క్షణము తల్లిదండ్రులు కనిపెట్టుకొని ఉండే ధోరణీ వారికి నచ్చదు . పెద్దవాళ్ళు వెంటే స్కూల్ కు వచ్చి దింపడం , తీసుకు వెళ్ళడం వంటివి కొందరికి అసంతృప్తిని పెంచుతాయి. మిగతా పిల్లలతోకలిసి స్కూల్ బస్సుల్లోనో , రిక్షాల్లోనో , ఆటోల్లోనో వెళ్ళాలన్న వారి కోరిక తీరదు . మాపిల్లలు తప్ప మరో లోకము లేదనుకునే పెద్దవాళ్ళు ... పిల్లలోని అసంతృప్తిని గమనించాలి .

వాళ్ళకు కావాల్సినవన్నీ సమకూర్చి పెడుతున్నాము కదా అనుకుంటారే కాని వారి చిన్న చిన్న కోరికలు వేరేఉంటాయి అని గ్రహించరు .. దీనివల్ల పిల్లలలో డిప్రషన్‌ పెరగవచ్చు , కొన్ని సందర్భాలలో ఎదురు తినిగే తత్వము అలవర్చుకోవచ్చు . కావున పిల్లల అవసరాలు ఒకప్రక్క కనిపెడుతూ వారికి కొంత స్వేచ్చ నిస్తూ ఉండాలి .
  • ==========================================
visit My website > Dr.Seshagirirao - MBBS.

Friday, July 08, 2011

లావా అని దేనిని అంటారు ?, What is Lava?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.

లావా : భూగర్భం లోపల ఉన్న కరిగిన శిలాద్రవాన్ని మాగ్మా అంటారు. ఉపరితలం మీదకి వచ్చిన మాగ్మాని ‘లావా’ అంటారు. అగ్నిపర్వతాలు బ్రద్దలైనపుడు, అగ్నిపర్వత గర్భభాగాన గల మాగ్మా విపరీతమైన వేడిమి మరియు వత్తిడితో, అగ్నిపర్వత ముఖభాగము ద్వారా బయటకు నెట్టివేయబడుతుంది. ఈ మాగ్మాయే వాతావరణంలో వచ్చినపుడు లావా అని పిలువబడుతుంది. ఈ లావా గాఢమైన ద్రవము. దీని ఉష్ణోగ్రత 700 నుండి 1200 డిగ్రీ సెంటీగ్రేడ్ ల వరకు వుంటుంది. ఈ లావాయే చల్లబడి శిలలుగా రూపాంతరం చెందుతుంది. .లావాలోని వాయువులు పైకి వచ్చేటప్పుడు లావా ఉపరితలంలో నురుగువంటి పదార్థం చల్లారి, ఘనీభవించి, తేలికైన పదార్థలుగా ఏర్పడుతుంది. దీనిని ప్యూమిస్‌ అంటారు.

చల్లబడిన కొంత లావా భూబాగము సారవంతమైన భూమిగా మారుతుంది . ఈ ప్రాంతాలలో చక్కని పంటలు పండించగలరు . అందుకే అగ్నిపర్వతాల లావావల్ల ప్రమాధము ముంచిఉన్నా ఆ అగ్నిపర్వత ప్రాంతాలలో ప్రజలు నివసించడానికి ఇస్టపడుతూ ఉంటారు .
  • ======================================
visit My website > Dr.Seshagirirao - MBBS.

Wednesday, July 06, 2011

మన కళ్లు వివిధ వర్ణాలను ఎలా గుర్తించ గలుగుతున్నాయి?,How do we see colors?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.


ప్రశ్న: మన కళ్లు వివిధ వర్ణాలను ఎలా గుర్తించ గలుగుతున్నాయి?

-ఎస్‌. రత్నాకర్‌, భీమవరం

జవాబు: మనం ఏదైనా వస్తువును చూస్తున్నామంటే దానర్థం దాని మీద పడిన కాంతి కిరణాలు పరావర్తనం చెంది మన కంటిని చేరుతున్నాయనే. మనిషి కన్ను వూదా (Indigo) రంగు నుంచి ఎరుపు రంగు వరకు విస్తరించి ఉండే వర్ణపటాన్ని గుర్తించగలదని తెలిసిందే. తెల్లగా ఉండే సూర్యకాంతిలో ఈ రంగులన్నీ కలిసి ఉంటాయని చదువుకుని ఉంటారు. మన ముందు కనిపించే వివిధ వస్తువులు తమపై పడే కాంతిలో కొంత భాగాన్నే పరావర్తనం చెందించి, మిగతా భాగాన్ని శోషించుకుంటాయి. ఏ వస్తువు ఏ రంగు కాంతిని పరావర్తనం చేస్తే ఆ రంగులోనే ఆ వస్తువున్నట్టు మనం గుర్తిస్తాం. ఇలా పరావర్తనం చెందిన కాంతి మన కంటిలోకి ప్రవేశించి రెటీనాపై పడుతుంది. రెటీనాపై కాంతిని గ్రహించి స్పందించే గ్రాహక కణాలు (receptor cells) ఉంటాయి. ఇవి ప్రసారం చేసే నాడీ సంబంధిత ప్రేరేపణల(impulses) ఆధారంగా మన మెదడు రంగులను గుర్తిస్తుంది.

రెటీనాపై ఉండే కణాలు ప్రధానంగా రెండు రకాలు. వీటిని రాడ్స్‌, కోన్స్‌ అంటారు. కణికల్లాంటి ఆకారంలో ఉండే రాడ్‌ సెల్స్‌ తక్కువ కాంతి, చీకట్లను గుర్తిస్తాయి. ఇవి దాదాపు 125 మిలియన్ల వరకూ ఉంటాయి. శంకువు ఆకారంలో ఉండే కోన్‌ సెల్స్‌ రంగులను గుర్తిస్తాయి. దాదాపు 6 మిలియన్ల వరకూ ఉండే వీటిలో మళ్లీ మూడు రకాలుంటాయి. వీటిలో కొన్ని నీలి కాంతికి, కొన్ని ఆకుపచ్చని కాంతికి, మరికొన్ని ఎరుపు కాంతికి స్పందిస్తాయి. ఈ కణాలు స్పందించే తీరును బట్టే అనేక వర్ణ మిశ్రమాలను కన్ను గుర్తించగలుగుతుంది. ఈ మూడు రకాల కణాలూ ఒకేసారి స్పందించినప్పుడు మెదడు తెలుపు రంగుకి సంబంధించిన సంకేతాన్ని అందుకుంటుంది.

-ప్రొ||ఈ.వి. సుబ్బారావు, హైదరాబాద్‌

  • ==================================
visit My website > Dr.Seshagirirao - MBBS.

Monday, July 04, 2011

సముద్రంలో నివసించే జలచరాలు ఉప్పు నీటినే తాగుతాయా?, Salt water living creatures drink saltwater?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.


ప్రశ్న: సముద్రంలో నివసించే జలచరాలు ఉప్పు నీటినే తాగుతాయా? లేక వాటికి ఉప్పును వేరు చేసే ప్రక్రియ ఏదైనా ఉంటుందా?
జవాబు: మన శరీరంలో పోగయ్యే లవణాల్ని, ఇతర నిరర్ధక పదార్థాల్ని మన శరీరం మూత్రం, చెమట రూపంలో విసర్జించి క్రమబద్ధీకరించుకుంటుంది. అలాగే సముద్రంలో ఉండే జలచరాలు కూడా తమ శరీరాల్లో జరిగే ప్రత్యేక యంత్రాంగం (reverse osmosis) ద్వారా లవణీయతను క్రమబద్ధం చేసుకుంటాయి. అందువల్లనే కొన్ని సముద్రపు చేపల్ని తిన్నప్పుడు అవి ఉప్పగా ఉండకపోవడాన్ని గమనించవచ్చు. అయితే మంచినీటిలో మనుగడ సాగించే జలచరాలతో పోలిస్తే సముద్రంలో ఉండే వాటి శరీర కణాల్లో లవణీయత కొంత ఎక్కువగానే ఉంటుంది. వాటి శరీరాల్లో జరిగే కొన్ని విద్యుత్‌ రసాయనిక ప్రక్రియల ద్వారా సముద్రపు జలచరాలు నీటిలో లవణీయతను తగ్గించుకోగలుగుతాయి. ఈ ప్రక్రియనే అయాను పంపు (Ion Pump) అంటారు.

-ప్రొ||ఎ. రామచంద్రయ్య, నిట్‌, వరంగల్‌;రాష్ట్రకమిటీ, జనవిజ్ఞాన వేదిక

  • =========================================
visit My website > Dr.Seshagirirao - MBBS.

Sunday, July 03, 2011

కిరోసిన్‌ దీపానికి పొగచూరుతుంది. క్యాండిల్‌ దీపానికి అలా కాదు. ఎందుకని?



ఏదైనా ఒక విషయం గురించి తెలుసుకోవాలన్న కుతూహలం ప్రతి ఒక్కరికి ఉంటుంది. చిన్నపిల్లలైతే మరీఅత్యుసాహము కనబరుస్తారు. చిన్న విషయమైనా, అతి సాధారణ విషయమైనా లోపల ఇమిడి ఉన్న రహస్యము ఎంతోమందికి తెలియక పోవచ్చును... అలా తెలుసుకోవాలనే ప్రయత్నమే ఈ సేకరణ. ఇందులోని విషయాలు కొత్తవేమీ కావు, అందరికి తెలిసినవే. మరొకసారి నెమరువేసుకుందాం !.



ప్రశ్న: కిరోసిన్‌ దీపానికి పొగచూరుతుంది. క్యాండిల్‌ దీపానికి అలా కాదు. ఎందుకని?

జవాబు : కిరోసిన్‌, క్యాండిల్‌లో ఉండే మైనం రెండూ సేంద్రీయ పదార్థాలే (Organic compounds). ఇవి గాలిలో మండినప్పుడు అధిక మోతాదులో ఉష్ణశక్తి వెలువడుతుంది కాబట్టి వీటిని ఇంధనాలు (fuels) గా వాడుతున్నాము. కిరోసిన్‌ కన్నా మైనం స్వచ్ఛమైంది. కిరోసిన్‌లాంటి ద్రవ ఇంధనాల్లోని అణువులు గాలిలో తొందరగా చర్యనొందుతాయి. అందువల్లనే ఘనరూపమైన కొవ్వొత్తి కన్నా కిరోసిన్‌ తొందరగా మండడానికి ప్రయత్నిస్తుంది. అయితే గాలి పరిమాణం రెంటి విషయంలో ఒకే విధంగా ఉండడం వల్ల కిరోసిన్‌ మండేప్పుడు దాని దూకుడుకు అనువుగా ఆక్సిజన్‌ అందదు. అందువల్ల కిరోసిన్‌లో చాలా అణువులు పూర్తిగా మండకుండానే పాక్షికంగా దహనం చెంది శకలాలుగా బయటకి వస్తాయి. దీన్నే మనం మసి (soot) లేదా పొగ (smoke) అంటాము. కానీ మైనం మెల్లగా మండడం వల్ల ఎప్పటికప్పుడు తనక్కావలసిన పరిమిత స్థాయిలో ఆక్సిజన్‌ అందుతూ ఉంటుంది. కాబట్టి తక్కువ మసి ఏర్పడుతుంది. పూర్తిగా మసి లేని పరిస్థితి మాత్రం ఉండదు.

-ప్రొ||ఎ. రామచంద్రయ్య, నిట్‌, వరంగల్‌; రాష్ట్ర కమిటీ, జనవిజ్ఞాన వేదిక

  • =====================================
visit My website > Dr.Seshagirirao - MBBS.