ప్రశ్న: చలికాలంలో కొబ్బరి నూనె గడ్డకడుతుంది. కానీ వంటనూనె, నువ్వుల నూనె వంటివి గడ్డ కట్టవు. ఎందుకని?
జవాబు: రసాయనికంగా చూస్తే దాదాపు నూనెలన్నీ ఫ్యాటీ ఆమ్లాలనే ఒకే తరగతికి చెందినవే. అయితే వాటి అంతర్గత అణునిర్మాణం (molecular structure) ఒకే తీరుగా ఉండదు. ఆయా నూనెల భౌతిక, రసాయనిక ధర్మాలు కూడా వేర్వేరుగా ఉంటాయి. వాటిలోని అణునిర్మాణాన్ని బట్టే ఆయా నూనెల ఘనీభవన ఉష్ణోగ్రత (freezing point) ఆధారపడి ఉంటుంది. కొబ్బరి నూనె, నెయ్యి, డాల్డాల వంటి నూనెల ఘనీభవన ఉష్ణోగ్రత ఎక్కువ కావడం వల్ల తొందరగానే గడ్డకడతాయి. నువ్వుల నూనె, ఆముదం, శెనగనూనె వంటి నూనెల ఘనీభవన ఉష్ణోగ్రత చాలా తక్కువ. కాబట్టి సాధారణ చలికాలంలో అవి గడ్డకట్టవు.
-ప్రొ||ఎ. రామచంద్రయ్య, నిట్‌, వరంగల్‌; రాష్ట్రకమిటీ, జనవిజ్ఞానవేదిక
- ==================================
No comments:
Post a Comment
your comment is important to improve this blog...